Hpung Ngai Yang Hpyen Yen Dabang Hta Jawng Lang Arung Arai Hte Sharin Sara Grai Ra Ahkyak Nga

Pajau Media

May 12, 2025

inghpaw mung Sumpra Bum makau Kaw nga ai Hpung Ngai Yang hpyen yen dabang hta Ma ni hpe hpaji sharin na hpaji jawng hpe dabang mung masha n-gun hte gaw gap nga ai hta jawng lang rung rai, laika sharin na Sara/Sara Num ni ra ahkyak nga ai lam hpyen yen mung masha ni tsun ai kaw na chye lu ai.

“Dai ni kaw na Ma ni a hpaji lam a matu Kawa ni shaw nna hpaji jawng gaw gap hpang nga sai. Dabang kanu kawa ni gaw gap nga ai raitim kaga jawng lang arung arai ni hte ma ni a matu laika buk kaw na hkawt grai ra ahkyak nga ai. Grau na gaw lapran tsang sharin na matu sharin sara,sara num marai 4 daram ra ai,” nga nna jawng sara tsun ai re.

Dabang kata hpaw na jawng hpe gaw gap nga dingyang re hte jawng hpe du wa na May 25 ya kaw nna mying jahpan hkap la sa wa nna June shata hta gaw jawng hpaw sa wa na re lam mung tsun ai re.

“Maning mung jawng ma yawng re yang marai 300 du na marai 3 sha ra ai. Dai ning mung dai ram sha maram da ai. Ya gaw jawng ma marai kade nga ai ngu gaw n lu tsun shi ai,” nga nna matut tsun dan ai re.

Hpyen yen dabang hta jawng lang arung arai ni, sharin sara ni mung grai ra ahkyak nga ma ai re hta garum ningtum jaw na Uhpung Uhpawng ni hpe mung myit mada nga ma ai re. Hpung Ngai Yang hpyen yen dabang gaw Sumpyi Yang , Nsi Yang , Wadat mare hkan na Mung masha ni lai wa sai 2024 May 11 ya kaw nna koi yen wa ai re hpe chye lu ai.

Shiga- Htu Seng