Hpyen N-gun Htu Shadut Wa Ai Myen Hpyen Hpung Ni Mung Masha Langai Hpe Sinat Gap Sat Ai Lam

Pajau Media

1st September, 2025

Hpakant Ginra de htu shadut wa ai myen hpyen hpung ni gaw Mung masha langai hpe mara kata sinat gap ai majaw Mung masha asak si sum ai lam nga lai wa sai re.

Dai hpawt daw kaw nna myen hpyen hpung ni Mashi Kahtawng de shamu shamawt nga ai rai nna Mashi Kahtawng Tu Hka Tsi Gawk makau kaw la langai hpe gap sat da ai lam Mashi Kahtawng ginra nga masha langai tsun ai.

Myen hpyen dap gap sat da ai wa gaw kadai gara kaw na re ngu ai hpe n lu chye ai lam tsun da ai re.

Myen hpyen dap gaw Hpakant ginra de gasat gala majan htu shadut shagu Mung masha hpe rim woi mat ai lam, adup gayet hpyen ninggang shatai ai lam, dai majaw hpyen hpung ni shamu shamawt hkawm ai mu ai hte tsan tsan yen ra ai lam tsun hpaji jaw da ai re.

shiga - Kachin Pyi Tar