In Daw Gyi Ginra Cycle Jak Rai Gunrai Dut Seng Damya Mya Hkrum ai lam

Pajau Media

4 August, 2025

Sagaing Ginra In Daw Gyi Awng Pin lay mare kaw na Cycle jak rai dut ai seng kaw damya mya hkrum nna seng madu wa sat hkrum ai lam chye lu ai.

August praw 2 ya shana daw Hkying 1 aten daram hta damya marai 4 shang wa nna damya mya ai rai nna seng madu wa hpe sat kau nhtawm amyu shayi Hpe mung Du kadoi da ai sha n-ga gumhpraw sen 300 hte Ja rai mya ai lam chye lu ai.

Du kadoi hkrum ai amyu shayi gaw si masu su nna damya hpung ni gumhpraw shaw la mat ai lam, Ja rai la mat wa ai lam ni yawng hpe chye ai re. Du kadoi hkrum ai amyu shayi gaw asak si sum ai lam n nga ai sha tsi rung du mat ai re hpe mung chye lu ai.

Ya aten damya mya ai hpung hpe lit nga ai ni kawn sagawn nga dingyang re hpe mung chye lu ai.

Ginra masha ni tsun ai hta In Daw Gyi ginra kata Mung shawa makawp maga dap ni zing madu ai hpang masha hkawm sa hkawm wa nau n nga ai shara re hpe mung chye lu ai.

 Ya aten In Daw Gyi ginra hta Muklum ting Masha n nga ai daram re hte masha n nga ai dum n ta hkan nga shara n lu ai masha n kau sha wa nga ai masa re lam chye lu ai.

Shiga - Kachyin Pyi Tar