Indaw Bamauk Lam kaba, Myitkyina-Shwe Bu-Mung Ywar Mawdaw Sa Lam Myen Hpyen Dap Pat Da Ai Lam

Pajau Media

September 16, 2025.

Jinghpaw Mung Sagaing jarit Indaw ginra hte Bamauk maga de matut da ai Pyuha lam kaba sha n-ga kaga lam yawng hpe September 15 ya shani kaw nna aten n masat pat da ai lam Indaw Ginra makawp maga dap ni n dau da ai re.

Indaw Bamauk Muklum matut da ai lam ni sha n-ga Myitkyina-Shwe Bu- Mung Ywar mawdaw lam ni hpe Myen hpyen dap maga na lai ahkang pat da ai re lam mung chye lu ai. Myen hpyen dap gaw ra lata poi n du shi ai laman tat sum da ai shara ni hpe bai lu la hkra indaw Gyi ginra maga SNA hpung ni hte pawng nna htu shadut ai majaw KIA pawng hpawm hpung ni hte gasat gala majan jahkring hkring byin ai re lam chye lu ai.

Indaw Muklum hte Bamauk ginra ni gaw Jinghpaw Mung hte Sagaing jarit kaw nga ai ginra ni rai nna Indaw ginra hpe gaw lai wa sai April shata hta KIA pawng hpawm hpung ni htim gasat zing madu da ai ya aten du hkra re lam chye lu ai.

Shiga - Hpring