Indaw Ginra Kata Hpyen Htu Shadut Wa Ai Majaw Ginra Masha Ni Jau Koi Yen Taw Sai Lam

Pajau Media

29 April 2026.

Jinghpaw Mung hte Sagaing jarit Indaw ginra hta hpyen dap kawn hpyen n-gun law law hte htu shadut shang wa ai majaw Indaw ginra masha ni jau koi yen taw sai lam ginra masha ni kawn chye lu ai.

Myen Hpyen Dap gaw Tigyaing-Kata lam hku na hpyen mawdaw law law hte Kata Hk.L.Y (309) hte Indaw maga de shang wa ai lam chye lu ai.

Dai zawn hpyen n-gun law law hte shang wa nna, lahkang maga gasat gala majan laja wa chye ai majaw ginra masha ni ahkyak ai arai ni hte rau shim lum ai shara hkan jau na koi yen taw sai lam chye lu ai.

Lai wa sai January shata masum ngu na bat kaw na byin wa ai Kata ginra zing majan a majaw Kata ginra masha law law Indaw ginra de hpyen koi yen shang wa nga nna, ya ten hta dai hpyen yen masha ni kalang bai htawt yen nga ai re hpe chye lu ai.

Indaw ginra de hpyen dap kawn htu shadut gasat wa chye ai shiga ni a majaw ginra masha ni ahkyak ai rai ni hte tsi mawan ni hkyen lajang da na matu Indaw Revolution ( IR) hpung kawn sadi jaw ndau da ai re.

Shiga-Hpring