Indaw Gyi Ginra Hta Amyu Shayi Langai Sinat Madi Damya Mya Hkrum Ai Lam

Pajau Media

October 6, 2025

Sagaing Ginra Indaw Gyi, Pin Wai mare makau kaw Amyu shayi langai gaw Sinat madi nna damya mya hkrum ai lam chye lu ai.

October 2 ya shana daw hkying 3 daram hta Maw Lu, Na Pa lam Pin Wai mare makau kaw Baterry cycle htaw nna jawn wa ai amyu shayi langai a hpang hku nna La langai gaw hkan gahtep nang nna shawng kaw ban rai Sinat madi, Gumhpraw sumbu gashun la mat ai lam chye lu ai.

Damya mya hkrum ai amyu shayi gaw hprawng ai hta hpang kaw nna sinat hkan gap ai majaw lata lahpum kaw hkra nna ya aten tsi tsi hkam la nga ai lam chye lu ai.

Dai amyu shayi gaw Man Je kaw nna Hpyen koi yen wa ai rai nna Nam Hkan Maw Lu de Batterry cycle htaw wa ai kaw ya na zawn damya mya hkrum ai re hpe chye lu ai.

Gumhpraw gaw Sen masum ram lawm mat ai re lam, shi gaw manang ni hte rau hkawm ai raitim shi hkrai hpang kaw ngam nga ai aten damya mya hkrum ai re lam, ya aten Damya ngu maram lu ai laknak lang da ai masha hpe lu rim nna san jep nga ai lam chye lu ai.

Indaw Gyi Ginra lam mayan hta Damya manghkang jahkring hkring byin ai re hte lai wa sai bat laman hta mung n ta jawn mawdaw hte Mandalay kaw na wa ai hpe masha marai 2 kawn hkap jahkring nna Damya mya ai hta sen100 jan lawm mat ai lam chye lu ai.

Lai wa sai August praw 5 ya hta mung Indaw Muklum kaw na Seng langai damya mya hkrum nna n ta madu shan la hpe sat kau da ai lam nga ai re hpe mung chye lu ai.

Shiga - Kachin Pyi Tar