Indaw Gyi Ginra Na Ramma Ni Hpe Nta Langai Kaw Nna Langai Hpyen Wunkat N Lung N Mai Lung Taw Ra Ai Lam

Pajau Media

August 14, 2025

Jinghpaw Mung Indaw Gyi ginra Nam Mun Muklum hte Mai Nawng mare kaw nga ai Mung masha ni gaw dum nta langai kaw na marai langai P.T.Ts hpyen wunkat n la n mai atik anang lung shangun ai lam chye lu ai.

“ Madung gaw sam hkyeng ni woi awn ai re, n dai Nam Mun hte Mai Nawng kaw hpyen wunkat hpaw na nta langai kaw na langai lung ra ai” nga nna mying n tsun mayu ai ginra masha langai tsun ai re.

Myen hpyen dap Tatma 33 n pu na Hpung ni hte SNA pawng hpawm hpung ni gaw Indaw Gyi ginra kaw nga ai Mung masha ni hpe atik anang hpyen lahkawn nna Nam Mun hte Mai Nawng mare hpyen wunkat jaw ai shara de sa ai re lam chye lu ai.

Atik anang hpyen lahkawn hkrum ai hta ramma ni hte asak ram ai Wa Ngan daw ni lawm nna amyu shayi ni mung lawm ai re lam chye lu ai.Ya aten hpyen wunkat aten ladaw gaw shata (3) daram na ai hte marai kade daram hpyen wunkat lung nga ai ngu hpe gaw n lu tsun ai lam chye lu ai.

Lai wa sai May shata kaw nna SNA dap ni hte Myen hpyen dap gaw Lung Tung, Nam Mun pru shang lam hte Indaw Gyi Gwi Hka sa lam ni hta Gate dung nna ramma ni hpe hkap rim ai lam ni galaw ai rai nna dum nta langai kaw na marai langai P.T.Ts magam n gun n mai atik anang galaw shangun ai lam chye lu ai.

Shiga- Hpring