Indaw Hte Mawlu Ginra Hta Majan Laja Nga Ai Lam

Pajau Media

22 May 2026

Jinghpaw hte Sagaing jarit ginra Indaw hte Mawlu ginra hta lahkawng maga majan laja nga nna, hpyen dap kawn nbungli bawm hte gasat ai lam matut manoi galaw nga ai hpe hpyen shi shawk kawn chye lu ai.

Lai wa sai May 20 ya shani kaw na Shwebo-Myitkyina lam ntsa kaw nga ai Indaw ginra hte Mawlu ginra hta KIA pawng hpawm hpung hte hpyen dap lapran majan byin hpang wa nna ya ten du hkra majan masa laja nga ai hpe chye lu ai.

 Ndai zawn lahkawng maga majan laja taw ten myen hpyen dap kawn Shwebo-Myitkyina lam hte Mawlu makau hkan nga ai mare ni hpe nbungli bawm hte htim gasat ai ni galaw wa ai majaw mani May 21 ya shani mung shawa marai 2 asak si sum wa ai re.

Dai sha n-ga myen hpyen dap gaw dai ni May 22 ya shani jahpawt hkying 9 jan ram kaw na Indaw ginra kata na Kanpatlat maga de Y-12 nbungli, jat fighter hte bai htim gasat nga ai lam chye lu ai.

Myen hpyen dap gaw Shwebo-Myitkyina lam hpe bai uphkang lu na matu hpyen htu shadut shamu shamawt nga nna, Shwebo-Myitkyina mawdaw lam hpe njai lang na matu mawdaw daru kaba de shana da ai lam chye lu ai.

Shiga-Hpring