Ja Lap Mi Hta Sen 80 Daram Du Wa Ai Lam

Pajau Media

10th September, 2025

Mungkan Ja manu ni gaw matut manoi tsaw rawt nga ai rai nna Mungdan kata na Ja lawk ni hta Ja lap mi sen 80 daram du nga ai re lam Ja dut mari hpaga masha ni tsun ai kaw na chye lu ai.

September 9 ya shani ka-ang aten daram hta Mungkan ja manu One Aung Sa hta American Dollar 3,647 manu nga ai rai nna dai manu gaw labau hta tsaw dik ja manu re lam chye lu ai.

Dai sha n-ga Myen mungdan shinggan Ja lawk hkan na manu hku rai yang 16 Pe Yi Lap mi kaw Sen 79 Mun 9 du nga ai rai nna 15 Pe Yi gaw Sen 75 grup yin hte dut mari nga ma ai lam chye lu ai.

Sen 80 grup yin du wa ai Myen mungdan kata na Ja lawk ni hta lai wa sai June shata hpang kaw nna Ja manu ni gau ngwi ngwi rawt wa ai re lam chye lu ai.

Myen mungdan kata myen hpyen dap a Ja dut hpaga hpung ni lapran 16 Pe Yi lap mi kaw 5,960,000 masat da ai rai nna dai masat da ai Ja manu hte sha Ja dut hpaga galaw na matu matsun da ai raitim ginra kata Ja seng ni gaw hkan sa ai lam n nga ai re.

Myen mungdan kata hta Ja manu ni gaw update system manu hte old system manu ngu ai hpan lahkawng nga ai rai nna update system ja manu gaw grau hpu nga ai re hpe mung chye lu ai.

Shiga - Hpring