Jak Sau Manu Matut Lung Nga Ai Lam

Pajau Media

April 10, 2026

Myen mung hta rawt lung nga ai sau manu ni matut na rawt lung nga ai hpe chye lu ai.

Ndai bat hpyen dap masat da ai jak sau manu 92 liter mi hta 4,735 ks, 95 liter mi hta 4,945 ks, diesel liter mi hta 6,485 ks, hte premium diesel liter mi hta 7,735ks du hkra du taw nga sai re .

Rai tim Myen Mungdan ka-ang daw hte lahta daw hkan hta gaw matut mahkai lam mayak a majaw, sau hpan shagu ngu na ram liter mi hta 10000 ks jan du taw sai hpe chye lu ai.

Sinpraw dingdung hkan byin taw nga ai mungkam hpyen masa a majaw jak sau manu ni matut na tsaw lung taw nga ai hpe chye lu ai.

Jinghpaw mung Myitkyina hte Waimaw hkan 92/95 sau hpan ni liter mi hta 13000ks hte 15000ks lapran nga taw ai re.

Shiga-Hpring