Jak Sau Shayawm Lang Na Matu Nambat Pa “Tai” Nhtoi Hte “Gup” Nhtoi Ginghka Na Gau Na Matu Myen Hpyen Dap Ndau Ai Lam

Pajau Media

4 March 2026

Myen Hpyen Dap ni gaw sau hpe shayawm lang na matu nta jawn mawdaw ni hpe mawdaw nambat pa hku nna “Tai” nhtoi the “Gup” nhtoi ginghka na jawn ra ai ngu nna Mungdan Makawp Maga Hpung kawn ndau nna nhkan sa ai ni hpe tara jeyang na lam ndau shana da ai.

Ya aten mungkan mung masa masa lam ni a majaw, sanghpaw li hku nna htaw sa ai sau htaw sa ai hka lam ni hta pat shingdang ai lam ni byin taw ai majaw sau hpe shayawm lang na matu ya na zawn ndau ai rai nna 2026 ning March shata praw 7 ya shani kaw nna “Tai” nhtoi hte “Gup” nhtoi nambat lawm ai mawdaw ni gau sa ra ai hpe chye lu ai.

Shata shagu "Gup" nhtoi ni hta "Gup" nambat lawm ai mawdaw ni (ga shadawn, 2A/4A/etc.) hpe, “Tai ” nhtoi ni hta “Tai” nambat si lawm ai mawdaw ni (ga shadawn 1A/3A/etc.) ni hpe sha mawdaw gau mai ai.

Hpyen dap kaw na shapraw ai tara ni hta EV mawdaw , cycle , taxi, tsi rung mawdaw, sau htaw mawdaw, maza htaw mawdaw, makoi mayang mawdaw ni n lawm ai.

Lahta na tara ni gaw, bai ndau ai aten ndu du hkra teng ai rai ai hte ndai tara ni hpe tawt lai ai rai yang ya nga ai tara kanu ni hte maren hparan na re hpe chye lu ai.

Shiga - Hpring