Jinghapw Mung Shara Shagu Hta Majan Laja Nga Ai Lam

Pajau Media

May 27, 2026.

Myen Hpyen Dap gaw Jinghapw Mungdaw kata shani shagu hpyen n-gun jat nga nna mawdaw cycle ni jep joi ai hte hpyen htu shadut shamu shamawt ai ni ding yang galaw nga ai hpe chye lu ai.

Putao, Hkawng Lang Hpu ginra hpyen man maga de ndai laman nbungli hte hpyen arung rai ni hpe wa sa ai lam galaw nga nna, hpyen masa hkyen lajang ai ni galaw nga ai hpe chye lu ai.

Hugawng ginra, Lawa maga de myen hpyen dap hte P.T.Ts pawng hpawm hpung ni gaw hpyen shamu shamawt ai ni galaw nga nna, Mammaw hpyen man maga de mung KIA pawng hpawm hpung ni shara la da ai Ht.P.Y (933) dap kawn laknak kaba ni majoi gap shadam ai ni jahkring hkring galaw nga ai majaw majan byin nga ai re.

Dai sha n-ga Waimaw hpyen man maga Maina langu sun hte Manpya Tawng shara hta hpyen shamu shamawt ai lam nga ai. Myen hpyen dap kawn lu sha rai hte hpyen lang rai ni hpe jai lang nna masat (7) dap ba, masat ( dap ba, masat (9) dap ba hte masat (11) dap ba shara hkan hpyen htu shadut nna hpyen shamu shamawt ai ni matut na galaw nga ai re.

Ya na zawn Jinghpaw Mungdaw shara shagu hta Myen Hpyen Dap kawn hpyen htu shadut ai hte laknak kaba ni majoi gap shadam ai ni matut na galaw nga ai majaw mung shawa ni sadi maja nga na hpe lit nga ai hpyen masa tsun maram ai ni kawn sadi jaw da ai hpe KIA shiga dap kawn ndau tsun da ai re.

Shiga-Htu Seng