Jinghpaw Mung Ginra 4 Kaw USDP Party Ni Awng Dang Ai Lam

Pajau Media

October 27, 2025

USDP Party shang ahingjawng ai Jinghpaw Mung Ginra 4 daram hta kaga shingjawng na Party n nga ai sha USDP Rap daw Salang ni Awng Dang ai re hpe chye lu ai.

Ra lata poi Commission a n dau laika hte maren Jinghpaw Mung Nawng Mung, Man Je, Shwe Gu hte Shwe Gu ginra ni hta shingjawng party n nga sha USDP awng dang ai re hpe chye lu ai.

Shingjawng Party n nga ai sha dang mat ai Rapdaw Salang ni gaw Nawng Mung ginra Slg Re Dam Tang, Manje Kaw na Slg Gum San, Shwegu kaw na Slg Kyaw Win hte Shwe Gu Ginra kaw na Slg Aung Neing ni re lam chye lu ai.

Dai sha n-ga Myen hpyen dap gaw Ra lata poi shang shingjawng ai ni gaw ginra langai kaw na Rap Daw Salang langai ngai daram sha shang shingjawng ai re hte kaga party hkan na shingjawng manang n nga ai majaw awng dang ai re hpe chye lu ai.

Myen hpyen dap a Ra lata poi Numdaw 1 hpe du wa na December 28 ya hta Ginra 102 kaw galaw sa wa na re lam, Ra lata poi Commission kawn tang madun da ai re.

Shiga - Hpring