Jinghpaw Mung Hta Bat Mi Laman Majan (13) Lang Byin Ai Lam

Pajau Media

18 May 2026

Jinghpaw Mung Manmaw, Waimaw, Hpakant hpyen man hte KIA masat (9), masat (2), dap ba ( hte masat (11) dap ba ginra maga hta bat mi laman majan (13) lang byin wa ai hpe KIO/KIA shiga dap kwan ndau da ai re.

Laiwa sai May (10) ya kaw na (16) ya du hkra Manmaw, Waimaw, Hpakant hpyen man maga de Myen hpyen dap kawn nbungli, drone, laknak kaba ni hte shani shagu gap gasat wa nna, bat mi laman drone (27) lang, nbungli bawm (5) lang hte laknak kaba (121) lang lahta nga wa ai hpe chye lu ai.

Nbungli bawm gasat ai shara hte laknak kaba gap ai gaw Manmaw hpyen man hta law htum re ai lam chye lu ai.

Hpyen dap maga kawn hpyen htu shadut wa ai majaw Manmaw hpyen man maga de ninghkap majan (3) lang, dap ba (9) Hpakant ginra hta majan (2) lang, dap ba ( ginra maga majan (1) lang masat (1) dap ginra de majan (7) lang byin wa ai re.

Dai sha n-ga hpyen dap kawn ga lam hku hpyen htu shadut shamu shamawt nga ai sha n-ga drone, laknak kaba ni gap gasat ai ni matut manoi nga ai majaw hpyen masa laja nga ding yang re hpe chye lu ai.

Lai wa sai bat hta Jinghpaw Mung hta myen hpyen dap hte KIA pawng hpawm hpung lapran ninghkap majan (20) ram nga wa ai.

Shiga-Htu Seng