Jinghpaw Mung Hta Bat Mi Laman Majan (20) Lang Byin Ai Lam

Pajau Media

11 May 2026

Jinghpaw Mung, Manmaw, Waimaw, Hpakant hpyen man hte KIA masat (9). Masat (3) hte masat (11) dap ba shara maga de bat mi laman majan (20) lang byin wa ai hpe KIA/KIO shiga dap kawn ndau da ai re.

Lai wa sai May shata praw (3) kaw na praw (9) ya du hkra Manmaw, Waimaw, Hpakant hpyen man maga de myen hpyen dap kawn nbungli bawm, drone, laknak kaba hte shani shagu htim gasat wa ai majaw bat mi laman drone bawm (34) lang, nbungli bawm (22) lang lahta hte laknak laba (107) lang lahta gap gasat wa ai hpe chye lu ai.

Nbungli gasat ai shara hte laknak kaba gap hkrum ai gaw Manmaw hpyen man de law htum re ai hpe chye lu ai.

Myen Hpyen Dap kawn hpyen htu shadut wa ai majaw Manmaw hpyen man maga de ninghkap majan (3) lang, masat (3) dap ginra de majan (1) lang, dap ba (9) ginra Hpakant ginra maga de majan (18) lang, dap ba (11) shara de majan (2) lang byin wa ai re.

Dai sha n-ga myen hpyen dap gaw ga lam hku htu shadut shamu shamawt nga ai sha n-ga drone, laknak kaba gap gasat ai ni matut na galaw nga ai majaw hpyen masa laja nga ai hpe chye lu ai.

Lai wa sai bat hta Jinghpaw Mung hta myen hpyen dap hte KIA pawng hpawm hpyng ni a lapran hkrum majan, ninghkap majan (25) ram byin wa ai hpe chye lu ai.

Shiga-Htu Seng