Jinghpaw Mung Hta Bat Mi Laman Majan 30 Lang Byin Ai Lam

Pajau Media

April 29, 2026

Jinghpaw Mung Manmaw, Waimaw, Hpakant hpyen man hte KIA masat 11, masat 8 dap ba ginra maga hta bat mi laman majan (30) lang byin wa ai hpe (KIO/KIA) shiga dap kawn ndau da ai re.

Lai wa sai April (19) kaw na (25) ya shani du hkra Manmaw, Waimaw, Hpakant hpyen man maga de hpyen dap kawn nbungli bawm, drone, laknak kaba ni hte shani shagu gasat wa nna, bat mi laman nbungli bawm 6 lang, drone 55 lang hte laknak kaba (165) lang gasat wa ai lam chye lu ai.

Nbungli bawm gasat ai shara hte laknak kaba gasat ai gaw Manmaw hpyen man hta law htum re hpe ndau madun da nna, hpyen dap maga kawn hpyen htu shadut wa ai majaw Manmaw hte Waimaw hpyen man maga bat mi laman ninghkap majan (7) lang, dap ba ( hpyen man maga majan (2) lang hte dap ba (9) hpyen man maga majan (4) lang byin wa ai hpe tsun dan da ai.

Dai hte maren dap ba (2), (7) hte dap ba (11) ginra de mung majan byin ai lam nga ai hpe chye lu ai. Dai hta n-ga Hpyen Dap kawn ga lam hku hpyen htu shadut sahmu shamawt nga ai sha n-ga n tsa de na drone, laknak kaba ni hte gasat ai ni matut na nga ai re majaw hpyen masa laja nga ai hpe chye lu ai.

Shiga-Htu Seng