Jinghpaw Mung Hta Bat Mi Laman Majan 9 Lang Byin Wa Ai Lam.

Pajau Media

30 March 2026

Jinghpaw mung kata Manmaw, Waimaw, Hpakant hpyen man maga de bat mi laman majan 9 lang byin wa ai hpe KIA shiga dap kawn ndau da ai re.

Myen Hpyen Dap gaw bat mi laman Manmaw, Waimaw, Hpakant hpyen man maga de hpyen dap ni kawn shani shagu nbungli, drone, laknak kaba ni hte gap gasat wa ai hta nbungli bawm 17 lang, drone bawm 31 lang hte lak nak kaba gap gasat ai yawng pawng yang 197 lang lahta nga wa nna nbungli bawm gap gasat ai shara hte laknak kaba gap gasat ai gaw Manmaw hpyen man maga de law htum re ai hpe chye lu ai.

Myen Hpyen Dap a htu gasat ai majaw Manmaw Man Pya Bum makau hta ninghkap majan 4 lang, dap na 9 Hpakant ginta Mashi Kahtawng grupyin hte Hepa mare hkan hta majan 5 lang byin wa ai.

Manmaw hpyen man maga de myen hpyen dap ni kawn htu shadut gasat nga ding yang re ai majaw KIA pawng hpawng dap hte majan byin nga nna hpyen masa laja nga ding yang re.

Lai wa sai March shata lahkawng ngu na bat, bat mi laman hta mung Manmaw, Waimaw, Hpakant hpyen man hte dap ba 7 ginra maga bat mi laman majan 53 lang byin wa nna masum ngu na bat hta mung majan 5 lang byin wa ai.

Shiga-Htu Seng