Jinghpaw Mung Hte Kaga Mungdaw Masum Hta Nbung Laru, Marang Kaba Htu Chye Ai Hpe Lamu Marang Maram Dap Kawn Ndau Ai Lam.

Pajau Media

April 20, 2026

Jinghpaw Mung hte Sagaing ginra lahta daw, Sam mung dingda hte sinpraw hkan de sumwi ni htat nga nna marang htu, nbung kaba bung ai hte lak lai ai lamu marang mabyin ni hpe sadi na matu lamu marang maram dap kawn dai ni ndau dat ai re.

Dai sumwi ni hkawm ai lam mayan hta marang htu ai hte rau nbung bung ai, marang kaba htu ai, mu gung ai, myihprap kaprip ai hte sin marang htu ai mabyin ni byin chye ai majaw tau hkrau sadi tawn na matu lamu marang maram dap kawn sadi na nga na matu tsun da ai re.

Dai hta n-ga du na lahkawng ya laman Jinghpaw mung, Sagaing mung lahta, Tanintharyi mung, Chin, Mon mungdaw hte Sam mung hkan hta mung shara nkau kaw marang htu chye ai hpe matut na ndau da ai.

Mung shawa ni hku na pa layang hta bungli galaw ai, hpun hte wan shadaw npu hkawm sa ai, nta, jawng shara hte hpyen yen shara ni ngang na matu lajang na hte nbung kaba bung ten nta kata nga na matu tsun da ai.

Shiga-Htu Seng