Jinghpaw Mung Hte Sagaing Jarit Hkan Shani Shagu Hpyen Masa Shaja Hkat Nga Ai Lam

Pajau Media

October 14, 2025

Jinghpaw Mung Wai Maw Lamyang, Hpakant, Manmaw hte Sagaing Jarit Bamauk hpyen man ni hta Myen hpyen dap hte Rawt malan hpung ni lapran shani shagu hpyen masa shaja hkat nga dingyang re hpe chye lu ai.

Bamauk Khun Tar mare maga de October 13 ya jahpawt 5:30 Am aten daram hta Myen hpyen dap pawng hpawm hpung ni htu shadut wa ai majaw KIA hte gasat gala majan byin ai lam chye lu ai.

Gasat gala byin ai de Myen hpyen dap Jet Nbungli wa gap garum ai sha n-ga Gunship Jak sinat hte mung matut manoi gap bun ai lam chye lu ai.

Manmaw Hpyen man de mung September htum maga kaw nna Myen hpyen dap shara la da ai dap shara n kau hpe KIA pawng hpawm hpung ni zing madu la da sai re hpe chye lu ai.

Hpakant Hpyen man ginra de mung October praw kaw nna Ga lam hku htu shadut dingyang re sha n-ga Nbungli, Drone bawm, Laknak kaba matut manoi gap nga dingyang re.

Dai sha n-ga Waimaw Lamyang Hpyen man maga de mung Myen hpyen dap hpyen n-gun htu ai majaw ninghkap majan bat mi hta 3 lang daram byin ai lam, Sagaing Jarit de mung Rawt malan hpung ni hte Myen hpyen dap, P.T.Ts pawng hpawm hpung ni lapran shani shagu hpyen masa shaja dingyang re hpe chye lu ai.

Shiga- Htu seng