Jinghpaw Mung Jarit Sagaing Tigyaing Ginra hta (2) Ya Laman Nbungli, Laknak Kaba A Majaw Mung Masha Marai (11) Asak Si Sum Ai Lam

Pajau Media

8 September 2025

Jinghpaw Mung Manmaw ginra de laknak n-gun, malu masha ni wa sa ai sanghpaw hpung ni bai n htang yu wa ai lam dingyang hta myen hpyen dap kawn nbungli hte hka makau mayan de bawm jahkrat bun ai majaw Tigyaing ginra hta (2) ya laman Mung masha marai (11) asak si sum ai lam Tigyaing Revolution TR kawn tsun da ai kaw na chye lu ai.

Bai n htang yu wa ai myen hpyen dap sanghpaw hpung ni hpe shimlam la ai hku nna Y 12 nbungli hkan nang ai re hte September (6,7) ya laman Tigyaing ginra kata nbungli bawm jahkrat ai sha n-ga aknak kaba gap ai majaw Mung masha asak si sum ai re lam tsun da ai re.

Manmaw de na n htang yu wa ai sanghpaw hpung ni gaw September 8 ya hta သပိတ်ကျင်း ginra, ဇင်းချောင်း mare makau de du nga sai rai nna matut manoi yawng yu mat ai re lam chye lu ai. Sanghpaw hpung ni yu wa ai lam dingyang Y-12 nbungli gaw pyen gawai nna shimlam la ya nga ai sha n-ga bawm jahkrat bun ai lam ni galaw nga ai re hpe mung chye lu ai.

Myen hpyen dap kawn ya na zawn nbungli bawm, laknak kaba gap shadam ai majaw hka mayan shanu nga ai Mung masha ni grai sadi maja ra ai lam, mai byin yang shim ai shara de hprawng koi yen na matu rawt malan hpung ni tsun sadi jaw da ai re hpe mung chye lu ai.

Manmaw ginra de myen hpyen dap sanghpaw hpung ni du shang wa ai August praw kaw nna ya aten du hkra gasat gala majan laja nga dingyang re lam mung chye lu ai.

 Shiga - Pyilan U