Jinghpaw Mung Kata Christmas Poi Hpe Jau Galaw Na Matu Myen Hpyen Dap N Dau Ai Lam

Pajau Media

8 December 2025

Jinghpaw Mung kata Ra lata poi n du shi ai laman Christmas Poi hpe jau galaw na matu Myen hpyen dap tara jahkrat ai lam Asuya rung magam gun ni kaw na chye lu ai.

Christmas poi hpe December 25 n du shi ai laman 23 ya shani hpang jahtum tawn nna poi lamang yawng hpe shangut na matu Jinghpaw Mung kaw nga ai Rung ni hkan n dau da ai re lam chye lu ai.

“ Christmas poi hpe December 25 ya ndu shi ai laman hpang jahtum tawn galaw na matu tsun da ai re” nga nna Asuya rung magam gun langai tsun ai re.

Myen hpyen dap galaw na Ra lata poi daw langai hpe Jinghpaw Mung kata na ginra 5 kaw December 28 ya hta galaw na re lam chye lu ai. Jinghpaw Mung hta shang shingjawng mat na USDP, PPP, တိုင်းရင်းသားစည်းလုံးညီညွတ်ရေးပါတီ(တစည) sha n-ga kaga rudi amyu sha party ni mung shang lawm shingjawng na re lam chye lu ai.

Shiga – Hpring