Jinghpaw Mung Kata Mare Kahtawng Ni Hkan Licence N Nga Ai Mawdaw Cycle Ni Hpe Rim Na Lam Ndau

Pajau Media

May 3.2025

Jinghpaw mung Mogawng ginra kata mare kahtawng lawk ni hkan Licence n nga ai mawdaw cycle ni hte dai ni hpe gau ai ni, dut ai ni hpe ahkyak la na nga nna hkan n dau ai lam nga ai hpe mying ntsun mayu ai ginra masha langai tsun ai.

“Shanhte ni kaw balik ni, wan sat dap ni mung lawm ai. Galoi aten kaw nna rim hpang na ngu gaw ntsun ai. Without nawdaw ni, Licence n lawm ai cycle gau ai ni, dut mari ai ni hpe rim ahkyak la na lam tsun ai. Licence galaw ya na nga gaw ntsun ai. Licence n lawm ai ni, ma su galaw da ai ni hpe mung ja ja ahkyak la na lam tsun ai.”

June praw (2) ya kaw na Balik ni hte wan sat dap hpung ni lawm nna leng masum cycle hte hkan n dau ai rai nna Nammati muklum sha n-ga dai makau grupyin hkan na mare kahtawng ni hkan sadi jaw n dau ai re hpe mung chye lu ai.

“Ya gaw cycle mung rim na nga ai majaw grai sadi ra na hkawm sa ra sai. Anhte ginra cycle rim na nga yang gaw yi sun galaw sha ai mung masha ni grai yak hkak sana,” nga nna mung tsun ai.

Without mawdaw sha n-ga cycle ni hpe mung rim ahkyak la na nga ai majaw hkawm sa hkawm wa lam ni grau yak hkak na hpe ginra masha ni myit tsang nga ma ai re. Lai wa sai May 20 ya shani Nay Pyi Taw zuphpawng kaba hta Without mawdaw cycle, ma su galaw da ai Lience Numbat Pa ni hpe jep sagawn ahkyak la na matu matsun wa ai re hpe chye lu ai.

June praw 1 kaw nna Myen hpyen dap kawn Without mawdaw cycle ni hpe jen jep nna rim hpang nga sai rai nna Myitkyina muklum kata Njang Dung lawk hkan mung Without mawdaw ni hpe jep joi hpang nga sai lam chye lu ai.

Shiga- Htu Seng