Jinghpaw Mung Kata Phone Internet Matut Mahkai Lam Pat Da Hkrum Ai Laning Mi Hpring Sai Lam

Pajau Media

21 July, 2025

Jinghpaw mung hta MPT, Ooredoo, Atom, Mytel Phone Internet line ni yawng dawm jahkring da hkrum ai July 21 ya hta gaw lahkawng ning hpring wa sai re lam myitkyina ginra masha ni tsun ai re.

Ya aten Myitkyina Mung hte jinghpaw mung ginra n kau hta Mytel, MPT hte Atom Phone line ni gaw bai lu sai raitim Line n kaja ai, Phone set hkat na matu pyi yak hkak ai madang re hte Social Media jai lang ai lam hpe gaw Starlink Wifi hpe madung jai lang nga ai lam Myitkyina ginra masha tsun ai re.

“ Ya aten MPT, Atom hte Mytel Phone line ni bai lu ai raitim Muklum kata shada shaga hkat na matu yak ai, Starlink Wifi hte sha matut mahkai lang taw ai ga re” nga nna tsun ai.

Phone internet line matut mahkai n lu mat ai majaw Mung masha ni shani shagu galaw nga ai magam bungli ni matut galaw sa wa na lam hta yak hkak ai lam law law re hpe mung chye lu ai.

Jinghpaw mung hta lai wa sai 2024 July 21 ya kaw nna Myitkyina Muklum sha n-ga jinghpaw Mung ginra ting hta Phone, Internet matut mahkai lam yawng hpe myen hpyen dap maga kawn dawm jahkring kau ya ai re. Phone shaga na daram loi li mai ai raitim Internet line n lu ai gaw ya aten du hkra re hpe mung chye lu ai.

Shiga – Hpring