Jinghpaw Mung Manmaw, Waimaw Lamyang hte Hpakant Ginra Ni hta Ginra ni hta Bat mi laman Gasat gala majan 13 lang byin ai lam

Pajau Media

July 14, 2025

Ya aten Jinghpaw Mung kata Gasat majan gaw lani hte lani laja nga ai hta bat mi laman Manmaw Ginra, Waimaw Lamyang Ginra, Hpakant Ginra ni hta gasat gala majan 13 lang byin ai re lam KIA shiga ni hta tang madun da ai.

Manmaw Ginra kata Lagaw Lam htim gasat ai lam n nga ai raitim shani shagu Nbungli bawm, Drone Laknak kaba ni gap sharu bun nga ai hta N bungli Bawm (6) lang, Drone Bawm (76) Lang, Laknak Kaba hte Gap ai Yawng (178) lang gap gasat ai lam tang madun da ai re.

Bat mi laman jinghpaw Mung kata KIA hte Myen hpyen dap lapran byin ai gasat gala majan hta myen hpyen dap maga na Si hkala hkrum ai lam law re lam mung chye lu ai.

Waimaw Lamyang ginra de mung Myen hpyen dap lagaw lam htu lung wa ai majaw gasat gala 3 lang byin ai sha n-ga Myitkyina M.P.Hk kaw nna Drone N bungli bawm gap gasat ai lam gaw shani shagu galaw nga ai lam mung chye lu ai.

N dai laman Waimaw Lamyang hkan Sinat Kaba ngoi n sen shani shagu na nga ai majaw hkawm sa hkawm wa lam hpaw dat pat dat rai, sadi nna hkawm sa ra ai taw ai lam hkrun lam hkawm Mung masha ni Tsun ai.

 Jinghpaw Mung majan Masa lam hte seng nna Mung masa maram masam nga ai ni tsun ai hta Myen Hpyen Dap Hpung ni gaw Waimaw Ginra Hte Manmaw Ginra hpe Kalang ta htu shadut majan baw na matsing re majaw ya aten hpyen n-gun jat bang nga dingyang re lam tsun maram nga ai re hpe mung chye lu ai.

Shiga. Pyilan U