Jinghpaw Mung Na Ginra (106) Kaw Ra Lata Poi N Lu Galaw Ai Lam UEC N Dau Ai Lam

Pajau Media

11 December 2025

Ra lata poi Daw (1) hte (2) ni hta Jinghpaw mung kata mare kahtawng lawk yawng (106) kaw Ra lata poi nlu galaw ai lam Ra lata poi Commission UEC kawn n dau da ai re hpe chye lu ai.

Ra lata poi commission gaw wang lu wang lang ai hte Tara Rap ra ai Ra lata poi galaw lu na masa n nga ai majaw Ra lata poi galaw lu na nre lam ndau da ai re. Ra lata poi Daw (1) hta n lu galaw sai ginra ni gaw Danai ginra, Hkawng Lang Hpu, Mohnyin ginra hte Myitkyina ginra kata na mare kahtawng ni hte lawk shara (45), Ra lata poi Daw (2) hta gaw Machyang Baw ginra, Mogawng ginra hte Waimaw ginra kata hkan na mare kahtawng, lawk (61) re lam chye lu ai.

Dai sha n-ga Chihpwi, Saw Law, Sumpra Bum, N jang Yang ginra (4) hta gaw Ra lata poi galaw lu na nre lam UEC kawn lai wa sai September 14 ya shani n dau da lai wa sai re.

Dai ginra ni hta KIA pawng hpawm hpung ni zing madu uphkang da sai ginra ni re sha n-ga ya n dau da ai ginra n kau hkan mung gasat gala majan laja nga ai ginra ni lawm ai hte KIA zing madu da lu ai shara ni lawm ai re hpe mung chye lu ai.

Shiga – Htu Seng