June Shata Laman Jinghpaw Mung Kata Myen Hpyen Dap Shinggyim Ahkaw Ahkang Tawt Lai Ai Lam Hpe Tang Madun Ai Lam

Pajau Media

July 11, 2025

Jinghpaw Mung kata June shata laman Myen Hpyen Dap gaw shinggyim ahkaw ahkang tawt lai ai amu (36) nga ai rai nna n bungli bawm dingsa gasat ai majaw hten za mat ai mung masha dum nta (50) du hkra nga ai lam shinggyim ahkawa hkang hte seng ai Hkringmang rung kawn ndau da ai hpe mu chye lu ai.

Shata mi laman n bungli bawm dingsa gasat ai lam (6) lang galaw ai hta hten za mat ai makam masham hte seng ai dum nta (2), Bukda makam masham hte seng ai dum nta (1) mung masha marai (5) asak si sum nna marai (34) hkala hkrum ai lam chye lu ai.

Myen mungdan ting madang hku rai yang Myen Hpyen Dap kawn shinggyim ahkaw ahkang tawt lai ai amu (532) du hkra nga ai lam, mung masha hpe hkrup mara sat zing ri ai lam, mung masha madu ai arung arai hpe mya la ai lam ni, mung masha hpe atik anang rim woi mat ai lam ni hpe tawt lai ai re lam tsun madi madun da ai re.

Dai sha n-ga tara n lang ai hku sat hkrum ai amu (114) du hkra nga nna law malawng gaw shinggyim ahkaw ahkang tawt lai hkrum ai lam re hte kaga mahkrun hku tawt lai hkrum ai mung (115) daram nga ai re hpe mung chye lu ai. Myen hpyen dap gaw gasat gala majan n nga ai raitim lak nak kaba gap bang ai lam, n bungli gap gasat ai lam ni dingyang galaw nga ai re hpe mung chye lu ai.

Shiga- Htu Seng