June Shata Laman Myen Hpyen Dap A Majaw Amyu Shayi 34 Asak Si Sum Sai Lam

Pajau Media

July 29, 2025

Myen hpyen dap N bungli dingsa gasat ai majaw lai wa sai June shata laman Myu shayi marai (34) asak si sum nna marai (49) gaw hkala hkrum ai lam Myen mung amyu shayi hpung kawn ndau da ai hpe chye lu ai.

Myu shayi ni asak si sum ai hte hkala hkrum ai gaw N bungli bawm a majaw sha n-ga Lak nak kaba gap ai lam, pala hkra hkala ai lam, zingri sat hkrum ai lam, Hkam bawm, adup gayet ai lam hte Mazut roi rip manghkang ni a majaw asak si sum ai re lam chye lu ai.

Myen hpyen dap mungdan daru magam zing madu ai 2021 hpang kaw mali ning laman hpyen tara lawt lai nna Mung shawa ni a ntsa ladat amyu myu hte dingsa gasat, shinggyim ahkaw ahkang tawt lai nga dingyang re.

N dai shata laman gaw Myen hpyen dap a n bungli bawm dingsa gasat ai lam gaw shawng na shata hta grau galaw nga ai hpe mu mada lu ai lam mung tsun da ai re.

Shiga- Htu Seng