Ka Mai Nam Ya Lapran Hta Gasat Gala Majan Byin Ai Lam

Pajau Media

June 25, 2025

Hpakant ginra Ka Mai Nam ya lapran kaw Myen hpyen dap pawng hpawm hpung ni hte KIA lapran gasat gala majan byin nga ai lam chye lu ai.

June 24 ya jahpawt daw Hkying 6:00 AM aten daram kaw nna Ka Mai hte Nam ya lapran nga ai UM kahtawng mare kaw gasat gala majan byin nna June 25 ya shani du hkra matut manoi byin nga ai re hpe chye lu ai.

Ka Mai Pyuha kawng kaw nna pru wa ai myen hpyen dap pawng hpawm hpung n-gun (80) grup yin nga ai hpung ni gaw Ka Mai Nam Ya lapran kaw dap jung na matu hpyen shamu shamawt wa ai hpung ni hte gasat gala byin ai re hpe mung chye lu ai.

Hpakant lam mayan hta ya aten myen hpyen dap pawng hpawm hpung ni hte KIA lapran hpyen masa shaja hkat nga dingyang re lam chye lu ai. Hpakant ginra hkrun lam dingyang lai wa sai May 24 kaw nna Gasat gala majan laja wa ai majaw ginra masha ni hpyen koi yen hkawm ai gaw ya aten du hkra re hpe mung chye lu ai.

Shiga – Htu Seng