Kanau Kana Shada Ga Shawng Shai Hkat Ai Kaw Nhkyi Galun Manghkang Byin Ai Majaw Kana Asak Si Sum

Pajau Media

September 8, 2025

Jinghpaw Mung Myitkyina Muklum Ram Bu lawk kaw mana hkying (10) aten daram hta kanau kana shada ga shawng shai hkat ai kaw na nhkyi galun manghkang byin wa ai majaw kana wa asak si sum mat ai lam chye lu ai.

Ram Bu lawk Lamu Ga masat (13) kaw shana aten shan nau ga shawng shai ai hta kanau La kasha gaw kana hpe nhkyi hte lang hte lang galun ai majaw Kana wa dai shara kaw nan asak si sum mat ai lam ginra masha ni tsun dan ai re.

Asak si sum mat ai amyu shayi gaw asak (40) ning rai nna Kan, Lata Lahpum, Du ni kaw nhkyi galun hkang ningma hte asak si sum nna Myitkyina tsi rung kaba de wa sa ai re lam chye lu ai.

Dai mabyin manghkang hte seng nna kanau la kasha hpe lawk salang ni hte balik rung de wa sa da sai rai nna lit nga ai ni kawn jep joi ahkyak la da ai lam chye lu ai.

Shiga - Hpring