Kasha Kawn Kawa Hpe Gahtam Sat Manghkang Byin Ai Lam

Pajau Media

October 20, 2025

Hpyen koi yen Mung masha ni bai wa nga sai Ja Pu mare kaw October 19 ya hkying 6:00 PM aten daram hta Asak 28 ning re ai Kasha gaw Kawa hpe nhtu gahtam sat ai manghkang byin ai lam ginra masha ni kaw na chye lu ai.

Mabyin gaw October 19 ya shana daw hta Kasha Shd Dawshi Gam Yu asak 28 ning gaw Tsa lu nang la nna Kawa Dawshi La Sam hte Ga shawng shai hkat ai kaw nna hpang ai re hte Kawa hpe nhtu hte gahtam sat kau ai re lam chye lu ai.

     Asak si sum mat ai Kawa gaw Asak (57) ning rai nna Baw, HKum, Lata Lahpum hkan nhtu hte lang hte lang gahtam nna sat kau da ai re lam, dai nhtu gahtam manghkang shabyin ai Kasha gaw naw hprawng lawt nga ai re hte Ja Pu Ninghtawn kaw nna Uphkang Salang ni lit la naw tam hkawm nga ai lam ginra masha ni tsun ai kaw na chye lu ai.

Ja Pu mare gaw lai wa sai 2011 majan hpang kaw nna koi yen kau da ai mare kahtawng langai re hte 2024 KIA kawn htu shadut majan hpang KIA maga kawn zing madu ai hpang mare masha ni buga de wa nga magang taw sai mare kahtawng langai re hpe mung chye lu ai.

Shiga – PyiLan U