Kata Hte Indaw Maga De Myen Hpyen Dap Ni Htu Shadut Nga Ai Lam

Pajau Media

1 April 2026

Myen Hpyen Dap ni gaw Jinghpaw Mungdaw hte Sagaing Ginra jarit Kata hte Indaw ginra maga de hpyen n-gun law law hte htu shadut nga ai hpe shawnglam shishawk kawn chye lu ai.

Myen Hpyen Dap ni gaw Tigyaing ginra kaw nga ai rawt malam hpung ni hkang zing da ai Mya Tawng mare hpe hpyen n-gun law law hte shang gasat nga ai sha n-ga Kata hte Indaw maga de mung matut na gasat nga ai lam hpe chye lu ai.

Kata muklum hta lai wa sai March 20 shani kaw na lahkawng maga hpyen masa laja lana byin wa ai majaw Kata ginra ting hpe myen hpyen dap ni bai zing la lu sai shiga ni Fb ntsa hkan bra nga ai re.

Raitimung ya ten hta gaw lai wa sai March 20 shani kaw na hpang ai Kata zing majan gaw ya ten du hkra muklum makau grupyin shara hkan hta hpyen masa laja nga ding yang re nna hpyen dap mung nbunli bawm hte jahkring hkrig htim gasat nga dingyang re ai hpe chye lu ai.

Shiga-Hpring