Khatcho Mare Kaw Na La Langai Hka Lim Nna Asak Si Sum Ai Lam

Pajau Media

April 30, 2026

Waimaw ginra Nawnghi mare hkali daru makau hta mani April 29 ya shani hka lwi ai hte rau lawm wa ai la kasha langai na moi mang hpe mali hka kaw mu la ai lam ginra masha ni kawn chye lu ai.

Dai masha gaw lai wa sai bat ram kaw na Myitkyina mali hka maga de manang ni hte rau hka ginsup sa ai kaw na hka lim si wa ai rai nna, ja htu bungli galaw ai wa re hpe chye lu ai.

Asak si sum ai la sha gaw Khatcho mare na hpyen yen camp hta nga ai wa rai nna, asak 36 ning re ai U Kwe Hsu nga ai wa re hpe chye lu ai.

Yaten hta dai moi mang hpe Waimaw kaw nga ai Mun Myat karun kahtau hpung kawn Khatcho mare lupwa kawng de sa ya sai re.

Waimaw ginra hta ndai laman hka lim si ai mabyin ni matut manoi byin taw lam hpe ginra masha ni tsun dan ai kawn chye lu ai re.

Shiga-Htu Seng