Laiza-Mai Ja Yang Hte Laiza-Gara Yang-Myotit Bus Mawdaw Nga Sai Lam

Pajau Media

May 18, 2026.

Jinghpaw Mung KIO/KIA uphkang ginra rai nga ai Laiza kaw na Mai Ja Yang, Gara Yang hte Myotit hkan hkrun lam hkawm sa mung shawa ni sim sim sa sa hte lu hkawm na matu bus line mawdaw nga sai lam chye lu ai.

May shata 16 ya kaw na bus line mawdaw hpe masat da ai ten laman gawt hkang hpang wa nna, ya na zawn KIO asuya kawn hkrun lam hkawm bus line mawdaw hpe gawt hkang lu na matu hkyen lajang ai gaw ginra kata hkrun lam hkawm mung shawa ni a matu akyu nga na matu ngu tsun da ai re.

Jinghpaw Mung hta myen hpyen dap hte KIA lapran majan kalang bai hpang wa ai 2011 ning hpang daw Laiza muklum pru shang lam yawng hpe myen hpyen dap kawn pat wa ai majaw Laiza kaw na laga shara de hkawm sa na matu yak ai lam ni nga lai wa sai re.

Ya na zawn ginra kata hkrun lam hkawm bus line mawdaw ni nga ai matu KIO asuya kawn lajang ya ai majaw kabu gara rai nna, mung shawa ni dut lu dut sha hte hkawm sa lam a matu akyu nga ai hpe ginra masha ni tsun nga ma ai re.

Laiza muklum kaw na Mai Ja Yang bus line mawdaw hta masha marai langai mi kaw miwa Yun (200¥) jaw ra nna Laiza kawn Gara Yang hte Myotit hkrum lam hta marai langai mi kaw Myen gumhpraw mun lahkawng jaw ra ai re.

Shiga-Htu Seng