Lamyang Ginra Gasat Gala Majan Hta Mung Masha 2 Hkala Ai Lam

Pajau Media

November 25, 2025

Waimaw Lamyang ginra de KIA Pawng Hpawm Hpung ni hte Myen hpyen dap lapran gasat gala bai byin ai lam chye lu ai.

November 24 ya jahpawt hkying 9 aten daram hta KIA Pawng Hpawm hpung ni shara la da ai makau de myen hpyen dap htu shadut wa ai majaw gasat gala byin ai re lam chye lu ai.

Gasat gala byin ai hta lahkawng maga shada Laknak kaba gap ai majaw Laknak kaba gaw Wuyan mare de wa hkrat kapaw nna Mung masha lahkawng hkala ai lam chye lu ai.

Hkala hkrum ai Mung masha lahkawng hpe ya aten Myitkyina Mung Shawa Tsi Rung kaw tsi tsi hkam la na matu sa da ai lam, hkala ningma nau n sawng ai lam mung chye lu ai.

Lamyang ginra de KIA hpung maga kaw nna n dai laman htu shadut ai lam n nga tim myen hpyen dap maga na dingyang ngu na hpyen shamu shamawt ai majaw gasat gala majan byin nga dingyang rai nna hpyen masa shaja hkat nga dingyang re.

Shiga -Htu seng