Lamyang Ginra Kaw Na Dap Shara Lahkawng Hpe KIA Bai Lu La Ai Lam

Pajau Media

October 9, 2025

Waimaw Lamyang ginra hta Myen hpyen dap pawng hpawm hpung ni shara la da ai Dap shara lahkawng hpe KIA Pawng hpawm dap ni kawn bai lu la ai lam chye lu ai.

October 8 ya jahpawt daw hkying 6: 00 Am aten daram kaw nna Lamyang mare de gasat gala majan laja ai hta Lamyang mare makau kaw na Myen hpyen dap pawng hpawm dap ni a shara (2) hpe KIA pawng hpawm dap ni bai lu la ai re lam chye lu ai.

Dai Dap shara (2) gaw KIA pawng hpawm dap ni zing da ai shara re hte Nbungli, Drone bawm, Laknak kaba hte laja lana htu shadut ai majaw gan yen kau da ai shara hpe bai lu la ai lam re hpe mung chye lu ai.

Dai zawn sha Manmaw ginra de mung shani shagu gasat gala majan laja nga ai zawn Hpakant ginra de mung lahkawng maga hpyen masa shaja hkat nga dingyang re lam chye lu ai.

Shiga- Htu Seng

Video Credit to Owner