Lanam Ladaw Hkrun Lam Yak Ai Majaw Jinghpaw Mung Kata Gunrai Taw Ai Hte Manu Ni Tsaw Rawt Nga Ai Lam

Pajau Media

May 29.2025

Myitkyina Mandalay sa ai mawdaw hkrun lam hpe gumwai Lam Hku nna hkawm sa nga ai raitim Lanam ladaw Hkrun lam Grai yak hkak ai majaw Jinghpaw Mung kata gunrai n kau taw nga ai sha n-ga Manu ni grai rawt wa ai lam Myitkyina ginra masha ni tsun ai.

 “ Mung masa shuk wa ai hpang myitkyina Mandalay hkawm sa hkrun lam hpe gumwai lam hpe madung jai lang hkawm sa nga. ai raitim Lanam Ta laman Lam grai yak ai, Kalang lang pyi n mai Lai ai, dai ten hkan gunrai n kau n lu mat ai, manu ni rawt wa ai” nga nna Amyu shayi langai tsun ai.

Jinghpaw Mung kata madung gunrai htaw shalai ai lam hpe Mandalay Myitkyina lam , Pye Gyi lam hte Sape Nattar gumwai lam hku hkawm sa ai hta Marang htu sawng Yang Lam grai Manyen nna hkawm sa yak ai, Lam Yak ai majaw Mawdaw Chyat ai, Myitkyina Katar Hka lam hku nna mung shalai re ai majaw Lam lapran aten na ai re hpe mung chye lu ai.

Hkrun lam yak ai majaw Jinghpaw mung kata gunrai ni lawan ladan htaw shalai la na matu yak ai majaw gunrai n kau taw ai lam gunrai Manu rawt ai lam ni byin hkrum nga ai re. Ya aten Lanam ladaw hta Myitkyina Mandalay hkrun lam gaw hkrun lam masa hta hkan nna N htoi 6 ya daram du hkra na wa mai ai lam matut chye lu ai.

Shiga- Hpring