Lang Se Ginra De Nbungli Bawm Wa Gap Ai Majaw Mung Masha Marai 2 Asak Si Sum Ai Lam

Pajau Media

September 23.2025

Jinghpaw Mung Chihpwi, Saw Law Ginra Lang Se mare kaw Myen hpyen dap nbungli bawm wa jahkrat ai majaw Mung masha marai 2 asak si sum nna marai 4 hkala hkrum ai lam chye lu ai.

September 22 ya shana daw 2:25 min aten daram hta mung Mandalay Tadar U kaw na lung wa ai Jet Fighter 2 hte wa gap ai rai nna nbungli langai gaw gasat gala byin ai de wa gap nna langai gaw Lang Se mare de wa gap ai re lam chye lu ai.

 Nbungli bawm a majaw Amyu shayi langai hte La langai asak ai sum nna dum n ta hten za ai lam law ai re hpe chye lu ai. Ya aten gasat gala byin ai shara gaw cycle hte hkying hkum 6 daram gau sa ra ai shara rai nna gasat gala byin ai lam n nga tim nbungli bawm wa gap ai re hpe chye lu ai.

Hkawng Lang Hpu ginra kaw na KIA uphkang nga ai Lar Hi Sin Dap maga de Myen Hpyen Dap hte P.T.Ts pawng hpawm hpung ni lai wa sai Sep 19 ya kaw nna n-gun 300 grup yin hte htu shadut wa ai majaw gasat gala majan laja nga ai re hpe mung chye lu ai.

Shiga - Htu Seng