Lang Se Ginra Mung Masha Ni Ginra Makawp Wang N hpan Kum Nna Ginra Makawp Ai Lam Galaw

Pajau Media

August 11, 2025

Jinghpaw Mung Saw Law, Lang Se ginra Mung masha ni gaw tara n shang du shang wa ai Lauban ni a lata kaw na Lamu ga hpe makawp lu na matu ginra makawp wang n hpan kum ai lam ni galaw nga ai re hpe chye lu ai.

Lai wa sai August 2 ya shani Lang Se ginra masha ni gaw Mung masha n gun hte wang n hpan kum ai lam ni galaw ai re.

Lang Se ginra hpe Lauban Launa ni hte Company Lauban ni kadai hpe mung n shang shangun ai sha makawp maga lai wa ai re. Raitim shara n kau hkan lamu ga sau htu shaw ai lam, Lam htu baw ai lam ni hpe ginra masha ni n hkap la ai re.

Lang Se ginra de Lauban Launa Bungli Madu ni n shang wa hkra n hpan kum makawp maga ai lam ginra masha ni Facebook Laika man hta tsun n dau da ai re hpe chye lu ai.

Lang Se Mare hpe lai wa sai 2016 shaning hta hka hpyen a majaw hten za mat ai hpe bai gaw sharawt da ai ginra rai nna prat ban hte ban makawp maga lai wa ai ginra re hpe mung chye lu ai.

Dai majaw bungli galaw ai masha ni hku nna Lang Se ginra hten za mat na hpe tsang ai majaw dai ginra hta bungli galaw shara shawk shawn ai lam ni n galaw na matu ginra masha ni hpyi shawn nga ma ai re.

Lang Se hpe lai wa sai 2024 shaning November shata 10 ya shani KIA kawn htim gasat zing la lu ai ginra re hpe mung chye lu ai.

Shiga- Htu Seng