Lang Se Majan Laman Myen Hpyen Dap Gaw LuSha Jahkraw Hte Nang Hpam Ni Jai Lang Nna Htim Gasat Nga Ai Lam

Pajau Media

September 25, 2025

Ya aten gasat gala majan laja nga ai Lang Se ginra htim gasat majan hta myen hpyen dap hpung maga na shawng lam hta htim gasat nga ai hpyen la ni hpe shat n jaw sha ai sha Lusha jahkraw hte nanghpam lu sha hpe jaw nna htim gasat shangun ai lam chye lu ai.

Lang Se ginra hta Myen hpyen dap hte P.T.Ts pawng hpawm hpung ni gaw lai wa sai September 19 ya shani kaw nna htu shadut htim gasat nga ai re hte ya aten du hkra hpyen masa shaja hkat nga ai lam chye lu ai.

Gasat gala majan laman Myen hpyen dap maga na n-gun kaba hte htu shadut ai sha n-ga nbungli hku mung htim gasat ai majaw September 21 ya shani KIA Posts langai tat kau ra ai hpe KIA kawn bai htu shadut htim gasat ai majaw bai lu la ai lam nga sai re.

Myen hpyen dap a Lang se ginra bai zing madu majan hta nbungli jai lang nna htim gasat ai majaw Mung masha hkra hkala asak si sum ai lam nga sai re hpe mung chye lu ai.

Shiga - Hpring