Lawa Ginra Hta Ya Aten Du Hkra Dingyang Hpyen Masa Laja Hkat Nga

Pajau Media

21.4.2025

Hpyen masa shaja hkat nga ai Jinghpaw mung Danai Lido lam Lawa mare kaw Myitkyina kawn lung wa ai nbungli hte bawm wa jahkrat nga dingyang re ai sha n-ga Mung masha dum nta wan nat ai lam ni galaw nga ai re hpe mung chye lu ai.

Lawa mare makau grupyin hta Myen hpyen dap masha hte Min Ze Thant P.T.Ts ni lagaw lam htu shadut nga ai sha n-ga April 19 ya shani nbungli hte laja lana gap gasat lai wa sai re. Myen hpyen dap pawng hpawm hpung ni kawn Mung masha dum nta 100 jan mung wan nat jahten kau sai hte dum nta kata na manu dan ai arai ni mung kam ai hku shaw la nga ai re hpe chye lu ai.

Myen hpyen dap maga kawn Myen mungdan kata gap hkat gan jahkring da ai lam ndau da tim Jinghpaw mung de gaw shani shagu htu shadut htim gasat ai lam, nbungli bawm ni wa gap bun ai lam ni dingyang galaw nga ai re hpe chye lu ai.

Dai majaw Mung mare masha ni a dum nta hten za ai lam law law nga ai re hte Mung masha hkra hkala ai lam ni mung law law nga ai re hpe chye lu ai. Du na April 22 ya hta gaw Myen hpye dap n dau da ai gap hkat gan jahkring ai lam gaw masat da ai aten htum mat sa na re hpe mung chye lu ai.

Shiga- Htu Seng