Lawa Mare Kaw Nga Ai P.T.Ts Jep Joi Shagyit Kaw Laja Lana Jep Nga Ai Lam

Pajau Media

20 January 2026

Myitkyina Danai Lam kaw nga ai Lawa Mare kaw Min Ze Thant P.T.Ts hpung ni jep joi shara jahkrat nna hkawm sa hkawm wa mung masha ni hpe jep joi ai lam laja lana galaw nga ai re hpe chye lu ai.

Hkawm sa hkawm wa mung masha ni hpe Hkap jahkring san jep ai lam ni hpe Social Media ntsa mara ai lam, mahkawn kasha ni hpe zai mazut ai arawn alai hte tsun shaga ai lam ni galaw nga ai re hpe chye lu ai.

Dai zawn sha Hugawng ginra kata Lapu Hka, Woi Law, Pya Soi ginra ni hta mung gasat gala majan a majaw Mung masha ni koi yen nga ra ai rai nna ginra masha ni a gat seng hkan na arai ni hpe P.T.Ts hte SNA Sam hkyeng hpung ni kawn mawdaw, cycle , leng masum ni hte htaw lahka nga ai lam chye lu ai.

Dai sha n-ga P.T.Ts pawng hpawm dap ni gaw Ja maw kata nga ai Ka-ni lu sha masha ni hpe gumhpraw jaw nna mung masha ni a arung arai ni hpe htaw lahka shangun ai lam ni galaw nga ai re hpe mung chye lu ai.

Shiga- Htu Seng