Lawa Mare Kaw Nna Asak Kaba Sai Gumgai Langia Hpe Min Ze Than P.T.Ts Hpung Ni Mazut Roi Rip Galaw Ai Lam

Pajau Media

July 30, 2025

Myitkyina Hpakant lam ntsa nga ai Lawa Mare kaw na Asak kaba sai gumgai langai hpe Wa Ra Zup Min Ze Than P.T.Ts hpung ni kaw nna Mazut roi rip galaw ai hpe na chye lu ai.

July 28 ya jahpawt hkying 5:00 Am aten daram hta Lawa La Gawng mare kaw nna gumgai langai hpe Lawa Lam Braw shara kaw Dap Jung nga ai P.T.Ts hpung ni kaw nna mazut roi rip galaw ai lam na chye lu ai.

Mazut roi rip hkrum ai gumgai gaw asak (60) ning daram re ai Jan Hpawng Ram Hkawn Nan re hte dum nta kaw nga nga ai aten M.Z.Th P.T.Ts hpung na masha ni du shang wa nna mazut roi rip hkrum ai re lam chye lu ai.

 Lawa mare kaw lai wa sai March shata daram kaw nna Myen hpyen dap P.T.Ts pawng hpawm hpung ni du shang wa nna Hpyen shamu shamawt wa ai majaw gasat gala jahkring hkring byin ai shara re. Gasat gala majan a majaw Mung masha ni gaw tinang shim dum ai shara hkan koi yen hkawm nga ai re hpe mung chye lu ai.

Shiga – Htu Seng