Lawng Hkang Kaw Seng Adup Hpaw Nna Cycle Lagu Mat Ai Lam

Pajau Media

October 6, 2025

Hpakant Lawng Hkang Mare Nyeing Chan Tar Yar daw 3 kaw Seng gawk adup hpaw nna Cycle lagu la mat ai lam chye lu ai.

Lai wa sai October 4 ya shana hkying 8 aten daram hta Damya hpung ni gaw masa hpe shawng maram nna shana daw hta wuhpung hku Seng adup hpaw lagu manghkang shabyin ai re hpe chye lu ai.

"Seng adup hpaw nna Cycle lagu la mat ai, Seng pat aten La langai gaw Hka San bu galai mayu ai nga na chyinghka wa agawk ai, madu jan gaw makau hkan na ni shadu na chyinghka hpaw ya ai, shi hpe yu yang n tsen na zawn san ai majaw ngai hpe shaga ai, shi wa sa ai Hka San dasik n bung ai majaw kaga kaw galai bang ai, Hka hpaw lang ai shara kaw na Bu langai kaw galai bang ai, nye madu jan gaw dai hku re yang grai na ai ngu yang she bai hpaw bang ai re, dai kaw yawng maram sai ga nga " nga nna seng madu tsun ai re.

Dai seng kaw Hka Bu wa galai ai la hpe mare lawk hkan n mu ga ai, Asak 40 ning grup yin re loi gadun nna shan hpraw ai, hkum hkrang gaw hkak hkak rai nna Tattoo htu da ai, lapai lata maga kaw Mother Love nga ai Tattoo hte re, Lahkra lata maga kaw gaw Bu Ren sumla tattoo htu da ai re lam chye lu ai.

N dai shata laman hta sha Nyeing Chan Tar Yar maga de dum n ta adup hpaw nna Cycle lahkawng lagu hkrum ai lam chye lu ai.

Shiga -Kachin Pyi Tar