Lawnghkang Mare Laknak Kaba A Majaw Dum Nta 1 Hten Za, Mung Shawa Marai 5 Hkra Hkala Si Sum Ai Lam Nga

Pajau Media

May 18, 2026

Jinghpaw mlMung Hpakant ginra Lawnghkang mare hpe hpyen dap kawn laknak kaba hte htim gasat ai majaw dum nta langai hten ai sha n-ga amyu shayi marai 3 asak si sum nna marai 2 hkala ai lam chye lu ai.

Myen Hpyen Dap gaw mani May shata praw 17 ya jahpawt hkying 11 aten ram kaw na byuha kawng kaw na laknak kaba ni gap gasat ai hkying 12 jan laman Lawnghkang mare lawk 4 kata wa hkrat kapaw ai lam chye lu ai.

Dai Myen Hpyen Dap kawn gap dat ai laknak kaba a majaw Lawnghkang mare lawk 4 kaw nga ai nta langai hkra htenza mat ai hte nta nga masha marai 5 hkra hkala asak si sum wa ai hpe chye lu ai

Asak si sum hkra hkala ni hpe ginra masha ni hte karum kahtau hpung ni kaw sa hpai mat nna, hkra hkala ai mawai 2 gaw tsi rung kaw tsi tsi hkam la taw re hpe chye lu ai.

Myen hpyen dap gaw Hpakant ginra maga de matut manoi hpyen htu shadut shang wa ai majaw majan grau laja wa chye nna, ginra masha ni hkawm sa sadi na hpe shang lawt hpung kawn sadi jaw da ai lam nga ai re.

Shiga-Hpring