Mali Hka Makau Kaw N Hkyi Galun Damya Mya Manghkang Byin Ai Lam

Pajau Media

July 21, 2025

Myitkyina Muklum hte Waimaw Muklum hpe matut mahkai da ai Palamintin mahkrai lai Hka hkyin gau kaw July 20 ya shani Phone gashun N hkyi galun damya mya ai manghkang byin ai re hpe chye lu ai.

Mabyin gaw Laban shana daw hkying 3:00 PM aten daram hta Manang lahkawng gaw Hka kau kaw jahta dung nga ai aten shingdu kaw nna masha marai 3 sa wa nna N hkyi madi nna Phone hte cycle gashun la mat ai lam gashun hkrum ai wa tsun ai hpe chye lu ai.

“ Manang hte Ga shaga chyai let ngai gaw Cycle ntsa kaw dung taw ai re, dai wa hpang kaw nna N hkyi madi nna hkum shamu, shamu yang galun na nga tsun ai, an lahkawng yen hpe madi da ai re, dai hpe ngai gaw Lata hte shinggang kau dat ai majaw cycle ntsa kaw nna di hkrat mat ai, marai langai gaw ngai hpe bai rim ga-mu da ai, nye manang gaw nhki galun hkrum ai” nga nna tsun ai re.

Nye manang hpe N hkyi hte Lahpum kaw Kalang galun da ai, Shingma kaw kalang galun hkrum ai re lam chye lu ai. “ Lahkawng lang galun katut ai, grai n sawng na tsamai ai, sanit lang chywi kau ra ai, Phone gaw lawm mat ai, cycle zaw hpe nam de kabai dat ai majaw cycle chyawm n lawm mat ai” nga nna tsun ai re.

Ya aten na Myen mungdan masa hta Mung masa n pyaw ai sha n-ga Gumhpraw tam lu tam sha yak hkak ai aten mung re majaw lagut damya ni grai law wa ai re, N dai masa hta Hkawm sa hkawm wa lam ni hpe grai sadi maja ra ai. N dai masa hpe lit nga ai asuya kawn mung lit la hparan ai lam n nga ai majaw grau grau sawng wa ai re.

 Shiga – Zau