Mali Nmai Madim Masing A Matu Ningmu Jahpaw Zuphpawng Hpe Mani Kalang Bai Galaw Ai Lam

Pajau Media

7 April 2026.

Mali Nmai masing hte seng nna shawa ningmu Jahpaw zuphpawng hpe Dapkawng lawk Avengelical chyum jawng wang Jubali Htingnu hta 13 lang ngu na zuphpawng hpe bai galaw wa ai lam Jinghpaw mung asuya kawn ndau da ai re.

Dai zuphpawng hta Jinghpaw mung asuya malawn ni, mung shawa ni, nawku hpung shagu na ningbaw ningla ni hte lawk kanu kawa ni sa lawm ai hpe ndau da ai re.

Dai sha n-ga Jinghpaw Mungdaw Komti malawm Dr, Aung Win, Slg U Htun Htun Hlaing, Slg Lamung La, Slg Naw Htoi hte Slg Jan Hkung (sh) U Naw Hkung ni mung shang lawm wa nna Jak hpaji hte seng ai hpaji hkringmang ni a hka ja lu ai lam ni, Ga hpaji hte seng ai lam ni, mungkan hta kaba dik ai hka madim lam ni, myihprap wan n-gun lu wa na lam hte prat dep rawt jat galu kaba ai mungdan ni hte shingdaw ai gabaw amyu myu ni hte sang lang hkaw tsun wa ai hpe chye lu ai.

Lai wa sai April 3 ya shani hta mung Shwe Nyawng Pin lawk Miwa htunghkting hpaji jawng hta Myitsone myihprap wan masing hte seng nna zuphpawng lamang galaw wa ai re.

Myitsone masing bai hpang na matu shawa ningmu Jahpaw zuphpawg ni hpe myen hpyen dap hte Jinghpaw mung asuya ni jahkring hkring galaw nga ai hta Myitkyina muklum hta gaw mani du hkra shawa zuphpawng (13) lang du hkra galaw wa sai re.

Shiga-Htu Seng