Mali Zup Madim Hte Seng Nna KIO Asuya Gaw Mung Shawa Hte Rau Tsap Sa Wa Na Lam KIO Tsun Ahkang Nga Salang Tsun Ai Lam

Pajau Media

December 24.2025

Myen Hpyen Dap kawn bai gaw gap na hkyen nga ai Mali Zup madim masing hte seng nna mung shawa ningmu masa hta tsap sa wa na re lam KIO/ KIA tsun ahkang lu salang Dkb Naw Bu tsun ai kaw na chye lu ai.

Mung shawa ni ninghkap ai majaw 14 ning na hkra jahkring da ai Mali Zup madim masing bai matut galaw na matu Myen Hpyen Dap a ningtau ningbaw Soe Win gaw December 17 ya shani Myitkyina hkrun lam masing hta ginra masha ni hpe tsun ai lam nga sai re.

Dai lam hte seng nna KIO asuya gaw mung shawa ningmu sha madung ahkyak ai lam tsun ai re. Mali Zup madim hte seng nna mung shawa ninghkap n-gun madun ai majaw lai wa sai 2009 shaning hta hkring mat sai re hte madim masing bai hpang na matu myen hpyen dap woi awn galaw wa ai re hpe mung chye lu ai.

Shiga: Hpring