Mali Zup Madim Masing Hpe Nmai Ninghkap Ai Lam Myen Hpyen Dap Masha Ni Tsun Ai Lam

Pajau Media

January 14, 2026

Jinghpaw Mung hta bai gaw gap hkyen nga ai Mali Zup madim masing hpe n mai ninghkap ai lam Myen Hpyen Dap shatsam da ai Hkringmang Salang U Tin Aung San kawn January 10 ya shani Myitkyina kaw galaw ai Jinghpaw mung daw Masat n htoi hkrum zup lamang hta tsun ai re hpe chye lu ai.

Mali Zup madim masing gaw hkrat ang ai manu grai hkyem sa ai rai nna Mali Zup madim masing bai galaw na lawng lam ni hpe tsun sang lang ai rai nna ginra masha ni hku nna mung n dai masing hpe n mai ninghkap ai lam, n dai masing awng dang yang Jinghpaw Mung rawt jat ai akyu hkam sha na re lam, tinang a kashu kasha pang hta akyu hkam sha na re lam U Tin Awng San tsun ai re.

Myen Hpyen Dap gaw 2025 ning August 27 ya kaw nna Mali Zup madim masing woi awn ai hpung ni kawn Miwa Mungdan Yunan Mungdaw SPIC Yunan International Power Investment(SPICYN) hpung ni hte hkrum ai hpang n dai masing galaw na matu ndau wa ai re lam chye lu ai.

Ya aten dai Mali Zup madim masing sha n-ga Myen Hpyen Dap galaw ai ra lata poi hpe Jinghpaw Mung kata na mung masha ni hte Myen Mungdan masha ni yawng ninghkap nga ma ai re hpe chye lu ai.

Dai Mali Zup madim hpe lai wa sai 2002 shaning U Than Shwe lak htak kaw nna masam maram nna Miwa CPI company hte ta gindun galaw wa ai raitim ginra mung masha ni hte shingra makawp maga gawn hkang ai wuhpung ni kawn ninghkap ai majaw 2011 ning September 30 ya shani U Ting Seing asuya lak htak kaw jahkring kau ai re lam chye lu ai.

Shiga: Hpring