Mali Zup Madim Masing Jahkring Na Matu Ginra Masha Ni Ninghkap Ai Lam

Pajau Media

May 1, 2026

Myitkyina hte Waimaw de na ginra masha ni gaw Mali Zup Madim masing bai hpang galaw na hpe nra sharawng ai majaw ninghkap n gun madun wa ai re.

April 29 ya shani hta Jinghpaw Mung Myitkyina hte Waimaw muklum kaw nga ai ginra masha marai 80 jan gaw Mali Nmai Madim masing ninghkap ai lam mali hka makau shara mi hta ninghkap wa ai re hpe chye lu ai.

Mung shawa ni gaw "Shawa masha ni a myit hkrum ai lam n nga ai, Mali Zup masing hpe kalang ta jahkring kau u," "Myitsone masing hpe tsep kawp n ra ai," "Mali hka hpe dingbai dinga njaw ai sha lwi shangun u," ngu ai ga baw ni sha n-ga "No Myitsone Dam", "Save Myitsone" Pyendau ga baw ni hte “Irrawaddy is Not For Sale" ngu ai laika ni hpe lang nna ninghkap ai lam galaw ai hpe chye lu ai.

Shiga-Htu Seng