Malizup Hka Wan Jak Masing Bai Hpang Lu Na Matu Putao Ginra Du Hkra Zuphpawng Woi Galaw Nga Ai Lam

Pajau Media

20 May 2026

Malizup Hka Wan Jak masing hte seng ai zuphpawng hpe Myen Asuya Jinghpaw Mungdaw Ginra Komti hpung kawn Myitkyina kaw sha n-ga Putao ginra du hkra ningmu jahpaw zuphpawng woi galaw nga ai hpe Jinghpaw Mungdaw asuya ndau da ai kawn chye lu ai.

May 8 ya shani Putao ginra na Rawang, Lisu amyu sha ni hte hkrum nna mani May 19 ya jahpawt hte shani kaang ten Putao muklun Hpungkanrazi htingnu hta ginra masha Jinghpaw, Sam amyu ni hte hkrum ningmu jahpaw lu wa ai lam chye lu ai.

Dai zuphpawng hta ginra asuya hpung masing, hpaga hte sut dap hkringmang U Chan Tan Khin hte amyu baw hkringmang, rapdaw kasa ni, magam dap lit nga ai ni hte hpaji hkringmang ni hkaw tsun ai lamang galaw wa sai re.

Jinghpaw Mungdaw Ginra Komti hpung rai nga ai U Htun Htun Hlaing, U Naw Htoi, U Mung Ring Naw, U Jan Hkung (or) U Naw Hkung ni gaw hka wan masing hte seng ai chye gying ai ni hpe hkaw tsun wa sai re.

Dai zuphpawng galaw ai de ginra masha marai 560 ram shang lawm nna, nkau ginra masha ni gaw shara kade mi htawt na zuphpawng woi galaw tim mungshawa ni hkraw na nre hpe tsun nga ma ai re.

Shiga-Htu Seng